Новогодишните концерти на пијанистките Мимоза Ќека и Јована Трајчева продолжуваат и оваа година со целовечерен пијано-дуо рецитал
насловен Празнична Рапсодија.
Со огромно задоволство ве покануваме да бидете дел од Празничната Рапсодија бр.3 на 17ти декември 2022 година со почеток во 20.00 часот во Камерната сала на Македоснката Филхармонија – Скопје.
Пијанистките ќе изведат богата програма од литературата за четирирачно пијано со дела од Волфганг Амадеус Моцарт, Петар Илич Чајковски и Едвард Елгар.
Програма:
Волфганг Амадеус Моцарт
Соната за четирирачно пијано КВ. 521 во C-dur
• Allegro
• Andante
• Allegretto
Е. Елгар
Поздрав на љубовта
Петар Илич Чајковски/Сергеј Рахмањинов
Свита од балетот ,,Заспаната Убавица” оп.66а
• Introduction. La Fée des Lilas
• Adragio. Pas d’action
• Pas de caractère
• Panorama
• Valse
Мимоза Ќека и Јована Трајчева остваруваат бројни рецитали низ државата и во странство. Во 2022 година одржаа самостоен пијано-дуо рецитал во Конзерваториумот Јана Дејла во Прага, настапуваат и на фестивалите Concerti del Tempietto и Les Dimanches Musicaux во Рим и Париз, како и за СОС Детско Село Скопје со целовечерен рецитал насловен Есенска Бајка, а во 2019 година започнува нивната Празнична Рапсодија.
Концертот ќе се одржи на 17.12.2022 (сабота) во 20 часот
Камерна сала на Македонска Филхармонија. Цена на влезници: 300 денари
Билетите се веќе пуштени во продажба и достапни
на продажните мрежи на „МК тикетс”
или може да се резервираат на тел: 070 33 19 03
или e-mail: [email protected]
Биографии:
Јована Трајчева своето основно музичко образование го завршува во класата на реномираниот педагог проф. Људмила Романова во ДМБУЦ ,,Илија Николовски Луј”. Во 2015 година дипломира, a во 2017 магистрира на Факултетот за музичка уметност во класата на проф. Нина Костова. Бележи успешни настапи и на фестивалите Охридско лето, Скопско лето, Денови на македонска музика, Musica Viva, Есенски музички свечености. Има одржано повеќе солистички рецитали во градови низ земјата, а како позначаен ќе се спомене рециталот во црквата Св. Софија во Охрид 2017 година. Бележи настапи на натпревари и фестивали во Рим, Ибица, Милано, како и во Cite des Arts во Париз, а настапува и со оркестарот на Македонската Филхармонија под диригентската палка на Ле Фи Фи. Јована Трајчева е наставник по пијано во ДМБУЦ ,,Илија Николовски Луј”.
Пијанистката Мимоза Ќека, се истакнува како рециталист и камерен музичар со своите бројни концерти во земјата и странство. Дипломира на Факултетот за музичка уметност – Скопје во класата на проф. м-р Тодор Светиев, магистрира под менторство на проф. Лилија Зилберштајн, a во 2021 година се стекнува со титулата Доктор по музичка уметност. Мимоза настапува во многу европски градови вклучувајќи ги Париз, Рим, Бристол, Милано, Трст, Сиена, Прага, настапува на музичките фестивали Concerti del Tempietto, на Интернационалниот Фестивал на Франкофонијата Soleil, Siena Summer Festival, а настапува со солистички рецитал и во Gallery MC, Њујорк, САД. Во 2022 го објавува соло албумот NON-FUNGIBLE, достапен на сите стриминг платформи. Мимоза има соработувано со истакнати диригенти како Саша Николовски-Ѓумар, под чија диригентска палка го изведува Концертот за пијано бр. 2 од Камиј Сен-Санс, Бисера Чадловска со која соработува по предметот Вокално Студио при ФМУ- Скопје, а се приклучува и на Ансамблот за современа музика ConTempora. Во 2019 година учествува во проектот TEME (Транснационален европски музички претприемач) во Трст и Камерино, Италија, дел од програмата Music Moves Europe.
Настапи на пијано-дуо Мимоза&Јована
