Јануари, 2025 година
Во сајбер просторот веќе е и новиот поткаст – Чекор Напред со М6
Прва епизода: инспиративна дискусија со Светозар Јаневски „Културата на Лидерите- Клучот во управувањето со луѓе“
Првата епизода беше објавена на YouTube каналот
Во 2020 год. М6 ја креираше платформата „Чекор Напред“ преку која разработува решенија за значајни прашања кои ги засегаат сите во општеството преку организирање тренинзи, обуки, работилници и други настани.
Овој поткаст е ЧЕКОР НАПРЕД во развојот на оваа иницијатива која има за цел да даде поддршка на професионалниот развој на лидерите и вработените во македонските компании.
Секоја епизода ќе биде посветена на различни теми од бизнисот и образованието, а главен фокус се актуелни и релевантни теми за компании, лидери, менаџери, претприемачи и професионалци кои сакаат да го прошират своето знаење и да добијат практични совети од водечки експерти.
Што да очекувате:
Практични совети прилагодени на македонскиот деловен свет
Успешни приказни од компании и професионалци кои направиле трансформации преку континуиран развој
Инспиративни перспективи од различни гости и индустрии
Премиерна епизода:
Почеток со специјалниот гостин- г-дин Светозар Јаневски, еден од највлијателните бизнис-лидери во регионот. Како сопственик на групацијата М6 и Претседател на Управниот одбор на Винарска Визба Тиквеш, г-дин Јаневски ги сподели своите експертизи за:
Градење на силна и мотивирана работна сила.
Важноста на организациската култура за деловниот успех.
Инвестирање во развојот на вработените за долгорочен раст.
Зошто е важно?
Без разлика дали сте менаџер, сопственик на бизнис, професионалец или амбициозен лидер, Чекор Напред со М6 е вашата платформа за мотивација и инспирација.
Првите 10 епизоди од овој серијал се дел од партнерството со кое приватниот сектор се ангажира за развој на кадарот во државата, ко-финансирано од М6 Едукативниот центар и Владата на Швајцарија преку швајцарскиот проект „Образование за вработување“ – Е4Е@MK спроведуван од Хелветас.
