30.10.2024
Рок групата “Зијан” која ќе има концерт во МКЦ на 7 ноември 2024 година, од 20 часот, денес објави колку ќе изнесуваат билетите и каде ќе може да се набават.
Билетите ќе чинат по 500 денари, една мошне скромна и речиси симболична сума за таков легендарен бенд, и онлајн веќе може да се набават на следниов линк:
Рhttps://bileti.mkc.mk/index.php?id=1413&fbclid=IwY2xjawGNp99leHRuA2FlbQIxMQABHXilATLqQGKFsX9-Ct56b3PjWu9mO2qHlyHCzS3mr4fHms95TJXnTNWSEQ_aem_sD4ci2geYFpGZAAMTX9tbg
Но, билетите ќе може да се купат и на билетарата на МКЦ.
Легендарниот бенд “Зијан” последен пат настапи во МКЦ во раните 90-ти, пред цели 30 години, и сега со гордост го најавува својот концерт на 7 ноември 2024 година.
Ова е ексклузивен настан кој ја слави нивната 42-годишна кариера и неверојатната енергија на оригиналниот состав кој и денес со иста страст ги изведува своите хитови.
Од победата на „Гитаријада“ во Зајечар до настапите со бендови како „ЕКВ“, „Партибрејкерс“, „Електрични оргазам“, “Зијан” останува важен дел од музичката историја на Македонија и регионот.
-Ова е ретка можност да се види и слушне цел оригинален состав во живо, затоа не ја пропуштајте оваа историска вечер!, порачува организаторот.
Концерт кој ќе донесе задоволство не само за старите “старите рокери” кои ги уживале од тоа време туку и за некои нови генерации кои песните им ги научиле или допрва ги учат.
Датум: 7-ми ноември (четврток)
Локација: МКЦ Денсинг сала
