21 мај 2024 година, во 20 часот Галерија КО-РА
Во рамки на проектот „Цртај на македонски“ на Министерството за култура м-р Славица Танеска ја организира нејзината деветта самостојна изложба насоловена „МАКЕДОНСКА МИСЛА“.Самиот проект го афирмира македонскиот јазик и кириличното писмо преку ликовната уметност и дизајнот. Вусшност станува збор за типографски дизајни во кој се вметнуваат и илустрации. Текстовите се македонски народни мудрости кои се аплицирани на парчиња облека, бидејќи како што ја носиме облеката на нас, така ги носиме и традицијата и македонските мисли во нас. Во своите проекти м-р Славица Танеска во континуитет е посветена на афирмацијата на традицијата, а овој проект е поразличен во тоа што навлегува во сферата на применетата уметност и дизајнот.
Во денешното време има многу парчиња на облека со написи на неа, но редок е случајот тоа да е со кирилично писмо и на македонски јазик. Преку овие дизајни ќе се добилижи македонскиот јазик до младите, тинејџерите и сите оние кои ги следат модните трендови, со тоа што ќе им се понуди нешто уникатно и ново од страна на дизајнот и презентацијата, а старо и изворно во суштина – народни мудрости. Во поставката на изложбата се вклучуваат и група на студенти од Факултетот за Арт и дизајн при Европскиот универзитет каде што м-р Славица Танеска е асистент по предметите од ликовна уметност и дизајн. На тој начин проектот има и едукативна вредност.
Целта на проектот е промоција на македонскиот јазик, актуелизирање на старите македонски народни мудрости. Исто така преку оваа изложба се подигнува и еколошката свест, бидејќи повеќето дизајни се на веќе носена и рециклирана облека, со што облеката добива свежина и нов изглед.
куларт.мкСодржините, графичките и техничките решенија се заштитени
со издавачки и авторски права (copyright). Крадењето на авторски
текстови е казниво со закон. Дозволено е делумно превземање на авторски
содржини (текст и фотографии) со ставање хиперлинк до содржината што се
цитира.
