На 24 октомври 2024 година во просториите на „Мала станица“ ќе се отвори изложбата насловена „Тука, но некаде другаде“ со почеток во 19 часот.
Оваа групна изложба е (ко)продукција на непрофитната организација за промоција на женската активност – Тиииит! Инк. (Скопје) и Галерија ШКУЦ (Љубљана).
На 24 октомври во 19 часот во просториите на мултимедијалниот центар „Мала станица“ ќе се отвори групната изложба „Тука, но некаде другаде“, копродукција на непрофитната организација за промоција на женската активност – Тиииит! Инк. (Скопје) и Галерија ШКУЦ (Љубљана).
Изложбата „Тука, но некаде другаде“, ги истражува универзалните човечки искуства на мобилност, движење и припадност преку лични приказни. Прикажува дела на седум уметници чии практики комбинираат локални и регионални перспективи. Делата на Невена Алексовски, Елена Чемерска и Ивана Мирчевска, Ана Чворовиќ, Андреа Кнезовиќ, Илија Прокопиев и Ленка Ѓоројевиќ ги вткајуваат заедно динамиката на раселеноста, транснационалните идентитети, колективноста и променливото чувство на припадност на оние кои ги минуваат границите. Кураторка на изложбата е Јана Старделова.
Нивните дела истражуваат интимни картографии на припадноста- без разлика дали е доброволна, присилна или замислена, низ времето. Замислено како долгорочна иницијатива, „Тука, но некаде другаде“ нè предизвикува да мислиме на луѓе наместо на географии, да ги замениме омразата и стравот со солидарноста. Наместо да има за цел да прикаже фиксна перспектива или да докаже нешто, таа го свртува погледот кон промената, како се стигнува до неа и како таа влијае на нас и нашите заедници.
Изложбата „Тука, но некаде другаде“ ќе биде отворена за посета до 4 ноември 2024 година. Влезот е слободен.
Уметници: Невена Алексовски, Елена Чемерска и Ивана Мирчевска, Ана Чворовиќ, Андреа Кнезовиќ, Илија Прокопиев, Ленка Ѓоројевиќ.
Кураторка: Јана Старделова.
Повеќе информации за изложбата има на веб страната на Tiiiit! Inc (биографии на уметниците, дополнителни визуелни материјали, повеќе за отворањето на изложбата „Тука, но некаде другаде“ на 15 декември 2023 година во Галерија Škuc во Љубљана, Копродукција: Galerija Škuc, Tiiiit! Inc.).
Поддржувачи на проектот: Equality Fund, Mondriaan Fund, The Sigrid Rausin Trust, Ministrstvo za kulturo – Slovenija, Mestna obcina Ljubljana, Министерство за култура- РСМ.
