Изложба на Христијан Томаноски во Охрид, во организација на НУЦК „Григор Прличев“ Охрид, организирана во соработка со Центарот за култура Струга; поддржана од Министерство за култура.
Отворање: 19.00 часот на 25 октомври, изложбата ќе биде поставена до 2 ноември 2023 година.
Локација:Изложбен салон на НУЦК „Григор Прличев“ Охрид
„Издигнување“ е инспирација од стиховите од воведните песни на збирката на Ш. Бодлер „Цвеќињата на злото“. Низ неколку дела проткаени се и други стихови од повеќе автори, поврзувајќи и надополнувајќи ги делата со цел проширување на просторот на самите дела. Комбинирањето на повеќе стилови и техники во творењето на дигитални и традиционални скици, илустрации и дизајни ми помогнаа да ја поставам основата за креирањето на визуелниот јазик на оваа изложба. Сега целта, е еден кохерентен јазик на комбинирање на едноставноста и експерименталноста на графиката изразена преку илустративен пристап.
За авторот
Христијан Томаноски, роден 1985 г. во Струга. Дипломирал на Факултетот за ликовни уметности во Скопје, отсек графика со насока графички дизајн. Работел како едукатор за визуелни уметности и дизајн. Се занимава со графички дизајн, илустрација. Еден од основачите на здружението за култура ИНКА. Работел на сценографијата на СВП, и како дел од тимот за продукција на фестивалот. Од 2018 година работи како соработник за визуелни уметности во НУЦК „Браќа Миладиновци“ Струга. Ова е негова трета самостојна изложба, а учествувал на повеќе групни изложби и ликовни колонии.
