| Зоран Кесиќ за прв пат во живо вечерва (24 април) за прв пат доаѓа пред скопската публика со неговото неверојатно шоу „Приказни и песни” во Филхармонија! По 6 години и повеќе од 50 настапи на 3 континенти овој хумористично- сатирично- музичко- политичко- едукативен спектакл Таксират фестивал заедно со Скопје Комеди го носат и во Скопје! Зоран Кесиќ е српски комичар, политички коментатор, новинар, еден од најпопуларните, ако не и најпопуларниот ТВ водител во целиот регион. Тој е автор на популарните хумористични емисии „Озбиљне вести”, „Дезинформатор”, „Фајронт република” и на политичката сатира и воедно најгледаната забавна емисија во Србија „24 минути”. „24 минути” е една од ретките политички сатири што можете да ги видите на телевизија, кои се занимаваат со дневните настани во регионот. Зошто „Приказни и песни”? Затоа што Зоран Кесиќ зборува и пее! Зошто неверојатно шоу? Затоа што ниту една претстава не е иста! Во целовечерната изведба тој разговара и пее за безброј разновидни теми од политика до медитација. Секоја е обоена според местото на изведбата, моменталниот амбиент и моменталното расположение на изведувачот, и секој е единствен настан кој во таа форма ќе се случи тогаш и никогаш повеќе. Билети има уште малку и се во продажба онлајн на mktickets.mk и во продажната мрежа на МК Тикетс. |
куларт.мкСодржините, графичките и техничките решенија се заштитени
со издавачки и авторски права (copyright). Крадењето на авторски
текстови е казниво со закон. Дозволено е делумно превземање на авторски
содржини (текст и фотографии) со ставање хиперлинк до содржината што се
цитира.
