Денеска се навршија 100 години од смртта на наголемиот и најистакнат собирач на македонски народни умотворби -Марко Цепенков. Во вкупниот број публикувани и непубликувани негови дела може да се набројат повеќе од 5500 пословици и поговорки, 800 приказни, 150 песни, 100 гатанки, 400 верувања и клетви, 300 благослови, 350 баења, 2900 соништа и нивни толкувања, 70 детски игри, јазичен и етнолошки материјал како речник, тајни јазици, описи на занаети, обичаи, обреди, реквизити од домашниот материјален живот и народната аргономија.
Низ годините низ театрите и аматерски и професионални се имат прикажани повеќе претстави во кои се преплетувал ликот на Марко Цепенков.
Една од најкористените приказни е „Силјан штркот „ која со децении е присутна во народниот, едукативниот и културниот живот на македонското тло.
Минатата година по еден повод направив драматизација на оваа приказна, и ја насловив Силјан Штркот на пат кон Франција – Силјановиот сон ) – по мотиви на приказната Силјан Штркот од Марко Цепенков. Драмски текст и адаптација, автор Татјана Гогоска
По овој повод мал ден од драмската игра за деца:
СЦЕНА ЕДИНАЕСТТА
Силјан Штркот слуша глас:
-Каков Париз те спопадна Силјанееее. Ти си од Горно Коњаре, детето и жената те чекаат. Мајката плаче за тебе, таткото засрамен низ село не може да помине..сестрите тажат за тебе.
Силјан се погледнува како штрк и ВИКА:- -Ама што да правам? Што да правам ?
ГЛАСОВИТЕ : -Мораш да работиш
СИЛЈАН:-До кога?
ГЛАСОВИТЕ :-Уште една година и не сонувај, работи…
СЦЕНА ДВАНАЕСЕТТА
РАСКАЖУВАЧОТ– После уште една година вредна работа, Силјан заслужил да се врати како човек покрај своите најблиски. Сфатил дека неговото место е во домот покрај своите родитеи,синот,жената , сестрата и соседите. Сфати уште нешто, дека мора да работи и само така ќе биде добар човек. Сонот за патувањата некаде го изгуби. Не знаеше дури ни што значи тоа. 
СИЛЈАН ИСТРЧУВА НА СЦЕНА КАКО ЧОВЕК
СИЛЈАН : Спасен сум, вратен сум…..
СИТЕ НЕГОВИТЕ ГО ГЛЕДААТ И СТРЧУВААТ КОН НЕГО
-Силјанеееее, дојде Силјанеее…
Вредни дела остави Марко Цепенков, најголемиот и најистакнат собирач на македонски народни умотворби
М-р Татјана Гогоска
