Во сараевскиот „Дом на млади“ беше одржана прес конференција за медиумите на која беше најавен музичко сценскиот спектакл „Кармина Бурана“ од Карл Орф, како гостување на Македонската опера и балет од Македонија, која ќе се одржи на 18 октомври 2019 година во „Мирза Делибашиќ“ во Скендерија.
На прес конференцијата присуствуваа организаторите на Фондацијата за култура и образование „Амадеус“, маестро Емир Нухановиќ и директорот на Македонската опера и балет од Скопје, м-р Васо Ристов.
Најавено беше музичко-сценски спектакл со „Кармина Бурана“ на Карл Орф во кој ќе настапат повеќе од 200 уметници, оркестар, балет, оперски и балетски солисти од Македонија, БиХ, Турција, Португалија, Русија и Србија. За реализација на овој проект учествува врвна уметничка екипа како што се Миодраг Табачки од Србија, Кан Арслан и Гизем Бетил од Турција, Елена Дончева и Дејан Прошев од Македонија.
Покрај гостите ќе настапат и уметници од БиХ, детски хор под диригентската палка на маестро Емир Нухановиќ.
