По тој повод ви го пренесуваме и официјалното соопштение по повод овој рекорд на видеото, снимено од реномираните уметници од оваа куќа, кое ги освои срцата на домашната публика и пошироко.
Во соопштението се вели:
Драги љубители на уметноста, почитувана публико и пријатели, членови на нашиот колектив…
Оперски и балетски солисти, диригенти, раководители и останати вработени, се обединија и снимија топли Новогодишни пораки, искрено заблагодарувајќи се на публиката за поддршката во текот на целата година. Секоја честитка носи посебен дух и единствена порака за љубов, радост и желба за среќна и успешна Нова Година.
Оваа година одлучивме да ги споиме сите честитки во еден видео кој симболизира заедништво, креативност и преданост кон нашата институција, но и љубов кон уметноста што секојдневно ја споделуваме со вас. Нашиот колектив, како еден од симболите на културниот живот во Македонија, низ ова видео, изразува благодарност и испраќа најубави желби на колегите, публиката и сите граѓани.
Видеото на нашата Фејсбук страница (https://www.facebook.com/NacionalnaOperaiBalet/videos/1296050028256660) е прегледано повеќе од
370.000 пати, па ве повикуваме и вас, заедно со нас, да го споделите празничното расположение.
Среќна Нова Година и претстојните празници од целиот колектив на МОБ, нека 2025 година ви донесе здравје, среќа и исполнување на сите ваши желби.
Следете нѐ и понатаму, бидејќи нѐ очекуваат многу нови и возбудливи авантури во светот на операта и балетот.
Среќни празници од #МОБ!
