Мзичкиот мајстор Блаж Маротов не мирува и секогаш одново изненадува со нешто ново и квалитетно.
Овој пат повторно промовира нова песна и спот, на 18. јануари 2025 година во 20 часот, во скопскиот “Солис лаунџ бар”, Капитол мол.
Песната е со наслов “Доказ”, автор на музиката е Златко Бошковски, а на текстот Зоран Гаџоски- Гега и двајцата од Гостивар.
Аранжман и сѐ друго- продукција како и постпродукција, свирка на клавир, хармоника и соло гитара е дело на Блаж Маротов. Снимено е во неговото студио БиМ.
– Песната е снимена во периодот од октомври минатата година, до јануари оваа година. Изработен е и видео клип во соработка со Gousses production. Со авторот Златко Бошковски ова ни е повторна соработка, имено, неговата композицијата “Твојот поглед”, на текст на Драган Матески, ја исполнив на минатогодишниот “Охрид фест” на интернационалната вечер 2024, ни раскажа Маротов.
Како сестран музички уметник, изведувач, професор, кантавтор, автор, текстописец и исполнител тој умее да направи одлично авторско дело, ама и да препознае добра песна и од друг автори кога му се нуди.
За “Доказ” вели е една од тие, а со една ќе нѐ запознае и секако со деталите за песната и за спотот, оваа сабота, на закажаната промоција.
Веруваме и овој пат нѐ очекува доста пријатно изненадување, откако пред јавноста ќе го приложи својот музички “Доказ”.
