10.02.2025
Издавачот “Дата песнопој” овие денови го најави излегувањето од печат на роман за последното патување на Александар Македонски, од авторот Боби Петковски. Носи наслов токму така, “Последното патување” и претставува роман кој се чита во еден здив, преполн динамика, естетска фикција за потрагата по вечното пребивалиште на најголемото освојувач на сите времиња.
-Во историските записи постојат две теории од кои едната вели дека е погребан во Мемфис, тогашен Египет, а другата теорија вели дека мајка му Клеопатра организирала таен караван со камили и дека телото го пренела на наши простори во Македонија. Е тука јас си играм со мечтата и перото и правам своја верзија. Оттука можете да забележите дека романот е всушност историска фикција. Мене, отсекогаш ме фацинирал животот а посебно смртта на Александар Македонски, чие што почивалиште до ден- денес е најголемата археолошка мистерија. Судејќи според тоа што за време на мојот земен живот нема да се случи откривањето на истото, си го дозволив тоа да напишам фикција, а ние писателите сме единствени кои можеме да си дозволиме да си ги фантазирање нештата според сопствена желба и потреба, па ја искористив можноста да создадам сопствено видување за самиот тој чин, изјави авторот инаку познат како радио водител и плоден текстописец пред сѐ на народни песни, особено на кумановски дијалект и големи хитови од фестивалот “Тумба фест”.
Наскоро ќе се најде во продажба и ова книжевно дело.
