Во галерија „КО- РА“- мал салон сутерен во ЈУ Дом на култура „Кочо Рацин“ – Скопје, на 18.12.2024 година е отворена самостојната изложба на Ленче Коцевска „For You” Ленче Коцевска дипломира на Европски Универзитет во Скопје, на Факултетот за Арт и дизајн, како илустратор.
Реалзирала повеќе самостојни изложби, како и учество на бројни групни изложби во земјата и надвор.
Ова изложба е во рамките на програмата која има за цел да ја истакне улогата и значењето на илустрацијата како во историјата на уметноста уште од египетските хиероглифи, илуминацијата на средновековните кодекси, Библијата… белетристиката, и не само во контекст на многукртаната примена во сферата на уметностите, туку во науката, вклучувајќи ги и современите дигитални медиуми.
Ленче Коцевска со својата суптилна поетика на хроматската скала и вткаените валери структурира интимистички дијалог со загатнати симболи, асоцијативни идеограми, летросет, како сегменти од инстаграми, атрибути, и метафори, доедка децентно структурираните сегменти на лирскиот пејзаж ја отсликуваат поетиката на интровертниот монолог и дијалог помеѓу верата, љубовта и надежта, кои ги има авторката длабоко вдишано, восприемено, и како илуминација на духот и духовноста, ги има преточено во поетиката на илустративниот сликопис“ истакна Виолета Калиќ , историчар на уметноста и стручен соработник за визуелни уметности, дизајн и архитектура во ЈУДом на култура “Кочо Рацин”- Скопје, по повод ова самостојна изложба на Ленче Коцевска која ја афирмира улогата, сестраното значење и специфичната поетика на илустрацијата.
