20.11.2024
Актерката и продуцентка Лабина Митевска е годинешна добитничка на Меѓународната награда за копродукција од Еуримаж и Европската филмска академија (ЕФА). Митевска е една од основачите на семејната продукциска куќа „Сестри и брат Митевски“ од 2001 година наваму, во Скопје, заедно со сестра си Теона и братот Вук успешно ја лансираа својата компанија во 2001.
Од Еуримаж велат дека Лабина е високо ценета актерка од Балканскиот Регион, која кариерата ја почна во филмот „Пред дождот“ на режисерот Милчо Манчевски (1994), награден со Златен лав во Венеција и номиниран за Оскар за најдобар странски филм.
Лабина Митевска ќе биде почесна гостинка на свеченото доделување на 37. Европски филмски награди на 7 декември во Луцерн за лично да ја прими наградата.
Во „Сестри и брат Митевски“ Лабина е извршна директорка и продуцентка, нејзината сестра Теона е режисерка, а нејзиниот брат Вук, сликар и скулптор, работи како сценограф и аниматор.
Меѓународната награда ја доделува Европската филмска академија во соработка со Еуримаж, Фондот за културна поддршка на Советот на Европа. Ја признава одлучувачката улога на копродукциите во поттикнувањето на меѓународната размена.
Лабина Митевска има копродуцирано девет филма со поддршка на Еуримаж, од кои шест како мнозински продуцент. Членка е на Европската филмска академија и национален претставник на ЕАВЕ. Во 2014 беше дел од „Producers on the Move“ на ЕФП на Канскиот филмски фестивал. Од 2022, Лабина е дел од продукцискиот тим на белгиската филмска компанија Entre Chien et Loup.
Лабина Митевска македонска глумица и филмски продуцент.
Лабина Митевска (родена на 11 октомври 1975 г. во Скопје)
Биографија
Лабина е родена во 1975 година во Скопје, СР Македонија. Таа потекнува од глумечко семејство заедно со нејзината сестра и еден брат. Основно и средно училиште завршила во Скопје, каде потоа отишла на Отсекот Уметност и Археологија при Филозофскиот Факултет, Универзитет „Св. Кирил и Методиј“, Скопје. Исто така има завршено на европскиот колеџ за филмови во Данска, како и на Универзитетот за историја на уметноста во Аризона во Соединетите Држави.
Нејзината кариера случајно ја започнала во познатиот македонски филм „Пред дождот“ (1994), каде што играла споредна улога, во ликот на Замира, македонско- албанска девојка.
Нејзиниот втор филм, во кој таа има учествувано е „Туку така под облака“. Во 1996 година, има играно споредна улога во филмот „Добредојдовте во Сараево“ (“Welcome to Saraevo”) во 1996 година, режиран од Мајкл Винтерботом (Michael Winterbottom). Тој ја стави Лабина да учествува во друг филм „Те сакам тебе“ ( “I Want You” (1998)). Така во 2000 година, Лабина ја играше главната улога во чешкиот филм Лонерс. Наредниот нејзин филм беше “Too Bad That Balkan Express Was Already Used”, кој беше режиран од нејзината сестра Теона Митевска.
Во 1998 година беше одржана промоција на Европскиот филм “Shooting Stars”. Нејзините зборови за филот беа: – Кога првпат го прочитав сценариото, ми се допадна улогата, и уште повеќе се опуштив кога чув дека „Те сакам тебе“, добил мал тим и мал буџет, тогаш работата би се завршила подобро, побрзо, во олеснителни околности. Кога беа снимени деликатните сцени осетив олеснување, со што снимањето на филмот одеше многу полесно. – извадок од интервјуто на Лабина, на балканската премиера на филмот „Те сакам тебе“.
Избрана е за жена за 2003 година од македонските списанија за жени.
Таа најмногу има работено за продукциската куќа „Вардар Филм“ од Скопје. Има добивано и награди и како и стипендија на Европскиот колеџ за филмска уметност во Данска. Како и нејзиното семејство, таа е заслужна за многу филмски творби и изведби во многу европски земји, на разни јазици. Основач е и на продукциската куќа „Sisters and Brother Mitevski“, со која има направено повеќе македонски филмови како што се: „Контакт”, „Како убив светец“ и други.
Филмографија:
1994 Пред дождот- Замира
1995 Туку така под облака
1996 Добре дојдовте во Сарајево-Сонија
1998 Те Сакам Тебе- Смуки
2000 Loners- Весна
2000 Closley Knit- Кјана
2000 Самотари- Весна
2002 Вег- Ива
2004 Како убив светец- Виола
2004 Бубачки
2004 Нема проблем- Сања К.
2005 Контакт- Зана
2006 Тајната книга- Лидија
2006 Дете на војната- Сенада
2007 Јас сум од Титов Велес- Афродита
2007 Л…кот Љубезен- Маја
2007 Превртено- Жена во Бело
2009 Офсајд- Милена
2009 7 авлу- Селма
2009 9:06- Милена
2010 Стапки во песокот-Јоана
2012 Жената што ги избриша солзите- Ајсун
2015 Обвинителот… – Мајка на Дејан
2017 Кога денот немаше име- маќеа на Милан
2017 Коливо- Дана
2019 Полсестра- Арбита
2019 Господ постои, името ѝ е Петрунија- Славица
2022 Мај Денот на трудот
2022 Најсреќниот човек на светот- Марта
2025 Скејтборд не е за девојки- Наташа
куларт.мкСодржините, графичките и техничките решенија се заштитени
со издавачки и авторски права (copyright). Крадењето на авторски
текстови е казниво со закон. Дозволено е делумно превземање на авторски
содржини (текст и фотографии) со ставање хиперлинк до содржината што се
цитира.
