15. издание на Ехо Фестивал на планински филм 2024, официјалното отворање ќе го има во Дом на АРМ, петок 18. октомври во 20 часот, а следните седум денови ќе продолжи програмата во Кинотека на РМ.
Фестивалот трае од 18- 25 октомври 2024.
Отворањето на фестивалот е во концертната сала на дом на АРМ, петок 18. октомври од 20 часот, со проекција на филмот „Виорник од работ“, Игор Вртачник, Словенија, 2024, 107′ обраќање ќе има и режисерот Игор Вртачник.
Следните 7 денови, фестивалот е во Кинотека на РМ, каде имаме две паралелни кино сали со проекции.
15то издание на фестивалот ЕХО, посветен на ширење на планинската култура, преку филмови, изложби, издавање книги, панел дискусии, детски и филмски работилници, предавања на многу различни теми.
Темата на фестивалот опфаќа планински спортови, еколошки филмови, документарни филмови кои ја отсликуваат врската помеѓу човекот и природата.
Детските работилници ќе се одржат во ЕУ Хаус, освен едната која ќе биде демонстрација на поставување на фото замки за диви животни од страна на Македонското еколошко друштво, која ќе се одржи во дворот на Кинотека на Рм. Работилница „Планински креативен документарен филм“ е исто така во Кинотека на РМ.
Имаме три филмски жирија, Главно жири составено од Трифун Ситниковски, Златко Ѓелески и Маја Мухич, еколошко жири составено од членови на Македонското еколошко друштво, жири за најдобар алпинистички и качувачки филм, составено со членови на Македонската алпинистичка федерација, и жири за најдобар ски/сноуборд филм.
На фестивалот за конкурсот за најдобра фотографија ќе оценува и жири за најдобра планинска фотографија, составено од членови на зрно фестивалот.
Секоја вечер освен отворањето и затворањето на фестивалот, ќе има некоја презентација / панел дискусија:
Сабота 19.10.2024 – „Национален Парк Шар Планина“ – активности
Сабота 19.10.2024 – „Пожари: што пред и после нив?“ – Сара Крстевска и Лазар Николов
Недела 20.10.2024 – Улис Лефевре, основач и главен уредник на Алпинмаг, фотограф и снимател.
Понеделник 21.10.2024 – „Националниот планински музеј во Торино и неговата архива на историски филмови“- Марко Рибети, Италија
Понеделник 21.10.2024 – Отворање на изложба „K2 ИЛЈАДАДЕВЕТСТОТИНИПЕДЕСЕТИЧЕТВРТАTA“,
Вторник 22.10.2024- Еколошки панел “Мечка страв, мене не страв!”
Среда 23.10.2024 – „Зоната на смртта“, од филмска перспектива, Освалд Переира
Четврток 24.10.2024 – Како спортот и природата ќе ги спасат младите од пороците на модерното живеење – Јане Стефанов
ВЛЕЗОТ за сите фестивалски програми е бесплатен.
Линк од трејлерот
куларт.мкСодржините, графичките и техничките решенија се заштитени
со издавачки и авторски права (copyright). Крадењето на авторски
текстови е казниво со закон. Дозволено е делумно превземање на авторски
содржини (текст и фотографии) со ставање хиперлинк до содржината што се
цитира.
