15.12.2023
Прво гостување на Друштво на писатели „Битолски книжевен круг“ во Гевгелија денес, во 19 часот во малата сала во Народен театар – Гевгелија.
Во рамки на настанот ќе стане збор за историјата на оваа писателска асоцијација, нејзините книжевни и периодични изданија, како и за манифестациите и настаните во нејзина организација.
Друштвото на писатели „Битолски книжевен круг“ – Битола е здружение во кое на доброволна основа се здружуваат и членуваат писателите, заради остварување на своите професионални, авторски и други заеднички и индивидуални права и интереси, и за унапредување и афирмирање на литературното творештво во Битола.
„Битолски книжевен круг“ од 2001 година двапати годишно го објавува списанието за книжевност, уметност и култура „Раст“, а ја организира и манифестацијата „Битолски книжевни паметења“.
Повеќе информации за оваа писателска асоцијација се достапни на порталот https://bkk-pisateli.mk.
