Драмски аматерски фестивал- ДАФ од Кочани, годинава одбележува јубилеј 60 години постоење, ќе трае од 27.мај до 1 јуни.
На првиот фестивалски ден публиката ќе може да види две професионални претстави, едната е „Човекот“ пантомима на Трајче Ѓеоргиев, актер од МНТ, и хит претставата „Вардарски Пастуви“ во режија на Синиша Евтимов, а во продукција на Театар Комедија.
Во следните фестивалски денови на програмата се претстави што ќе се борат за награди: „Театар Чекори“ од Скопје со претставата „Ние“, АТ „Колектив ветерница“ од Скопје со „Робоград“, гимназијата „Св. Климент Охридски“ од Охрид со „Странци“, аматерскиот театар „Репетициона 04“ од Штип со „Недоразбирање“, театар „Дунек“ од Гостивар со „Бенг бенг и мртов си“.
Од Србија ќе гостува Аматерско позориште „Хранислав Драгутиновиќ“ – Прокупље, а на затворањето ќе гостува ДАХ театар од Белград со студенти од Белградската академија за драмски уметности, Македонскиот културен центар во Софија и монодрамата „Страстите на Илија“ со Игор Дамјанов.
На фестивалот предвидени се и настапи на акробатски музичари, физички театар, предавања, концертни настапи, изложби и промоции на книги а ќе има гостувања и од САД, Србија, Грција, Бугарија.
Богата фестивалска прогама за значајниот јубилеј !
