И оваа недела нови пет наслови кои уште од денеска можете да ги побаратена пултот за зајмување во НУ Библиотека „Григор Прличев“ во Охрид.Се работи за пет наслови во издание на Сакам книги и Книгохоличари
“Знаеш ли да чуваш тајни“ од Софи Кинсела, „Слаткоречив туѓинец“ од Лиса Клејпас, „Еден на еден“ од Крис Картер.
Не помалку интересни се и следниве два наслови:„Шепни ми нешто“ од Кери Ен Кинг и „Девојчето што го оставија зад себе„ од Росана Велецос.
Од понеделникот охридската библиотека за читателите е отворена од понеделник до петок од 8 и30 до 18 и 30 часот.
Библиотеката е од отворен тип и читателите слободно ќе можат да влезат и да одбираат книги од полиците и да побараат помош од библиотекарите.
Читалната во одделот за издавање ќе биде отворена од понеделник до петок од 9 и 30 до 17.00 часот а читалната за дневен печат и периодика во Прличевата одаја со читатели ќе работи од 9 до 15.00 часот. Читалните ќе можат да ги користат само членовите на Библиотеката.
Со мини изложба и избор на нивни дела поставени пред пултот за зајмување во НУ Библиотека „Григор Прличев“ од Охрид традиционално се одбележуваат родендените на роднокрајните автори родени во септември.
Според евиденцијата на Библиотеката во септември се родени нашите сограѓани писатели: Димче Маленко, Боро Ѓорѓиески, Милош Линдро, Љубица Чифлигароска и Виолета Ачковска.
