Биеналната изложба на 31та и 32 ра сесија на Ликовната колонија Галичник ќе се одржи на 9.11.2021 во Националната галерија на Република Северна Македонија, објект Мала станица, со почеток во 19. 00 часот. Последните две сесии на колонијата го третираа горливиот проблем на екологијата, на заштитата наживотната средина и враќање на загубениот линк со природата. 31та сесија имаше концепт Коегзистениција кој ја пролематизираше релацијата (изгубената релација) помеѓуприродата и човекот (секако и самиот Галичник и неговата природа и традиција), релацијата иликоегзистенцијата на видливиот свет со невидливите опасности (вирусите и пандемиите кои не демнеат), коегистенцијата на уметноста и обичниот човек; уметноста и политиката; уметноста и екологијата; уметностаи технологијата.
Учествува и со свои дела ќе бидат претсавени: Ненад Тонкин, Јана Јакимовска, Шќипе Мехмети, Борче Богоевски, Тања Ристовска, Игор Таневски, Ана Трајковска и Ана Ивановска од Македонија,Жангхонг Лиао (Кина), Бурим Муфтиу (Косово),Тарлан Лотфижаде (Иран), Слободан Радојковиќ и МаринаМарковиќ (Србија), Франциско Томшик (Уругвај), Ивана Радовановиќ (Црна Гора), Рубен Бас (Германија).32та сесија пак, имаше концепт насловен Визуелна интрузија и интенцијата на овој дискурс беше совизуелна интервенција, т.е. интрузија на природниот амбиент на Галичник и неговата околина, да севизуелизира контрастот и моќта која човекот ја има во загрозувањето, но и заштитата на животната средина изачувување на нејзиниот природен облик и форма.
Ваквите интервенции треба да го подигнат нивото насвеста и да имаат директен импакт во процесот на будење и превземање одговорност за своите постапки.Под поимот екологија разгледуваме поширок опсег на дискурси поврзани со историјата, архивирањето,доминацијата итн. На колонијата партиципираа: Џозеф ван Калденбург (Холандија), Милка Делибашиќ (ЦрнаГора), Магдалена Кучко (Полска), Ана Марија Паску (Романија), Клица Антониу (Кипар), Зара Александрова(Бугарија), Ејгул Догруел (Турција), Денис Јагџи (Косово/Македонија) и нашите автори: Гордана Вренцоска,Христина Зафировска, Ивана Ивна Самандова, Горанчо Ѓорѓиевски, Доротеј Нешовски, Кристијан Јовановскии Зоран Георгиев и нивните дела ќе бидат презентирани во поставката. Најголем дел од делата се изработени во нови медиуми, како видеа, видео инсталации, дигитални графики,фотографии, интервенции во простор, објекти и концептуални слики и графики. Изложбата ќе биде поставенадо 19.11.2021 година.
Клица Антониу Хербариумски колекции, том I (По Plantae Macedonicae на Михаел Димоние), Видео проекција, кожа, кадифе и хартија обоена во билки собрани од Грција до Галичник, Северна Македонија, варијабилни димензии, 2021 година. Михаел Димоние (1870 – 1935) бил важен романски собирач на растенија на јужниот Балкански Полуостров, во денешна Албанија, Бугарија, Грција и Северна Македонија. Неговите приватни колекции на хербариум биле уништени во два одделни пожари во 1917 и 1944 година, а останале само бројните колекции кои припаѓаат на серијата Plantae Macedonianicae, кои биле комерцијално дистрибуирани. Овие примероци се достапни во неколку европски и американски хербарии и се траен доказ за обемните собирни активности на Димоние. Инспирирана од животот на Димоние, Клица Антониу создава „Том“ направен од хартија обоена во мешавина од билки собрани од нејзиното патувањеод Грција до Галичник. Користејќи билки транс-географски и транс-културно за да создаде единствена напивка, таа ги игнорира практиките на класификација и таксономија на ботанолозите и повторно ги става во функција растенијата што продираат низ сите граници. Проекцијата на ѕидот со превртување на страниците од книгата одблиску го објаснува делото.
Христина Зафировска Артифициелна зелена трева, 2021, дигитален печат, 70х100Дали, целосно се оддалечивме од природата? Дали, поставивме невидлива бариера помеѓу нас? Дали гледаме на неа како тема која не е повеќе во нашиот домен на интерес? Колку е далеку од нас, колку сме далеку од нејзе? Дали полека исчезнува нејзината грижа за нас, како што исчезнува нашата грижа за нејзе?Милка Делибашиќ Сон во Галичник, 2021 година, видео инсталација, 8:07 мин Во мојата работа, врската со самиот простор е многу важна. Барајќи го тој простор во Галичник, наидов на селска глетка од каде што се протега прекрасен пејсаж. Тоа беше точката каде што се споија физичкото и духовното, што бараше размислување. Во овој простор изведувам интервенции со телото и минимално движење, истовремено опишувајќи го просторот на сонот. Покрај ова, користам екрани и на тој начин создавам визуелен контраст помеѓу природата и технологијата. Јас користам ефект слика-во-слика што ми овозможува да проектирам внатрешно чувство во тој пејзаж и да укажам на неусогласеноста на личните чувства со медитативната природа на околината.
-Ана Паску Severance (2021), видео инсталација, проекција на текстил, B/W, 1min 40sec Еволуцијата на човештвото претрпе процес на отуѓување од природата. Нашата околина се префрли од природни елементи во безживотни структури направени од човек, манифестирани и во визуелната и во аудио компонентата. Перформативниот чин на нуркање во бел ладен материјал, заедно со контрастираниот звук, ја прикажуваат трансформацијата на живеалиштето во време, среде урбанизација. Откако луѓетого преместија своето постоење во измислен простор, односот со природата значително се трансформираше, влијаејќи на животната средина на неповратни начини.
Кристијан Јованоски, Трезор Дигитален печат, акрил на платно„Трезор“ е суптилно преплетување на неколку фотографии од иста локација, но од неколку различни перспективи кои повторно се позиционирани на места каде припаѓаат, преку процес на растурање и повторно градење на сликата. Преку делото се обидувам да го пренесам потенцијалот кој е постојано во прогрес, вон сетилната перцептивна моќ, вон ритуалните механизми, потенцијал кој владее над рационалното прибежиште кон имагинативната перцепција за поседувањето на една субјективна вистина. Отсликување на паралелни светови со своја автентична динамика кои се несинхронизирани, едниот од нив во процес на дематеријализација, а при краен допир, жртвување.
