КулАрт.мк

 На 05. Декември 2025., во петок, со почеток од 19 часот, во свечената  сала на Културно информативниот центар Битола, Македонско- хрватското друштво и Хрватскиот културен центар “Марко Марулиќ”,  организираат Божиќен и предновогодишен концерт, кој овoј центар  традиционално го организира секоја година на радост на љубителите на  хрватската култура во Битола.  На програмата се концерт на учениците и  професорите на Музичкиот оддел на основното училиште Драгутин  Тадијановиќ од Вуковар Хрватска, а специјални гости учениците на  Државното музичко училиште Битола. Воедно овие три институции  имаат потпишано Меморандум на соработка, па и овој концерт е еден од  заедничките проекти и чекори кон заедничка соработка и поврзување  преку културата на двата пријателски народи.  Покрај одржувањето на овие концерти, одбележувањето на хрватските  празници, Хрватскиот културен центар кој постои повеќе од 30 години,  секоја година организира презентирање на македонските уметници и  групи во Хрватска.                         Концертот се организира со поддршка на општина Битола, Централната  канцеларија за Хрватите надвор од РХ и Културниот и информативен  центар Битола.         

Комуникацијата е основа на секојдневниот живот. Без неа не функционира ништо. Малкумина се тие што го освестуваат значењето на комуникацијата и често доаѓа до...

Шведскиот фабрикант Алфред Нобел, пронаоѓач на динамитот, во Париз напиша своерачен тестамент со кој каматите од големиот имот ги остава за развој на науката, литературата и на борците за мир. „Наградите треба да се делат...

Започнато е пријавувањето за четвртото издание на БЕАМ – националниот фестивал за  креативност и извонредност во организацијата на настани, организиран од Асоцијацијата на  ивент индустријата ИВАП. Фестивалот и оваа година ќе ги обедини водечките  професионалци од маркетинг, културата и забавната индустрија за да ги награди  најуспешните проекти реализирани во 2025 година.  Пријавувањето започнa на 5 ноември и ќе трае до 30 јануари 2026 година. Право на  учество имаат сите компании и организации што реализирале настани во 2025 година, во  една или повеќе категории кои го опфаќаат целиот спектар на индустријата: од бренд- активации, конференции, фестивали, културни, корпоративни или спортски настани.​ Сите информации и општите правила се достапни на www.БЕАМfestival.mk.  Во пресрет на новото издание, објавена е и жири комисијата составена од реномирани  професионалци од маркетинг, бизнис, медиуми, култура и креативните индустрии. Нивната  различна експертиза обезбедува стабилен, независен и транспарентен процес на  оценување.       Сунчица Бојаџиева - Events & Experience Director, Publicis Groupe Macedonia  -Четвртото издание за нас има посебна тежина. По три години во кои ја градевме  довербата и стандардите за натпревар, БЕАМ веќе прераснува во платформа што ја  обединува целата заедница, од агенции и маркетинг професионалци, до културни  институции, брендови и млади тимови. Нашата цел останува иста - да создадеме  фер, транспарентен и професионален систем што го вреднува вистинскиот квалитет.  Секоја година гледаме сè поамбициозни проекти, а тоа значи дека индустријата  расте – и ние растеме со неа, вели Маја Бабиќ, директорката на БЕАМ Фестивалот  Ова издание носи два значајни чекори напред. БЕАМ од годинава е придружен партнер  на BEA World, најпрестижниот европски фестивал за извонредност во организацијата на  настани. Партнерството ја зголемува меѓународната видливост на локалната индустрија и го  позиционира БЕАМ како платформа што природно се движи кон европските стандарди.  Дополнително, БЕАМ од оваа година се отвора кон регионот со воведување на новата  Адриа категорија, создадена да ја истакне креативноста, продукциската сила и  иновативноста на проектите од Хрватска, Србија, Словенија, Босна и Херцеговина, Црна  Гора, Албанија и Косово.  -Она што ме радува најмногу е што БЕАМ станува место каде енергијата на  индустријата навистина се чувствува. Минатите три години видовме фантастични  проекти и неверојатна посветеност и знам дека оваа година ќе биде уште посилна.  Воведувањето на Адриа категоријата е логичен чекор, нашата сцена одамна  комуницира со регионот, а сега им даваме простор тие врски да бидат и формално  препознаени. Ја охрабрувам целата заедница да аплицира – не само заради  наградата, туку заради видливоста, вмрежувањето и чувството дека си дел од нешто  што ја движи индустријата напред, додава Бабиќ.  Доделувањето на наградите ќе се одржи на свечена Гала церемонија на почетокот на  март 2026 година. БЕАМ ги очекува пријавите.  БЕАМ останува движечка платформа која ги охрабрува професионалците да  размислуваат посмело, да создаваат подобро и да ги подигнуваат сопствените стандарди. 

■ Францускиот институт во Скопје има чест да ве извести и да ве покани на најголемата музичка конференција на Балканот ПИН која ќе се одржи од 27 до...

Aлбумот на групата FLO „Access All Areas“ на кој работеше македонскиот музички продуцент Матеј Џајковски, познат како BigSlav, е номиниран за престижната музичка награда...